पिंपरी, ता. ३० ः शाहूनगर येथील श्री शाहू वाचनालयाच्या वतीने विविध क्षेत्रात उल्लेखनीय कार्य केलेल्या व्यक्तींचा ‘राजर्षी शाहू गौरव पुरस्कार २०२४’ देऊन सन्मान केला जाणार आहे. महाराष्ट्र दिनाचे औचित्य साधून या पुरस्कारांचे वितरण केले जाणार आहे. हे पुरस्कार ज्येष्ठ लोककलावंत वसंत अवसरीकर यांच्या हस्ते प्रदान करण्यात येणार आहेत. तसेच पुणे विभाग ग्रंथालय संघाचे प्रमुख कार्यवाह सोपानराव पवार यावेळी उपस्थित राहणार आहेत. या वर्षी राजेश हजारे (कामगार क्षेत्र), शलाका कोंडावार (सामाजिक कार्य), जयश्री घावटे (शिक्षण क्षेत्र), निलाक्षी काळे-सालके (मराठी भाषा संवर्धन), डॉ. जितेंद्र होले (पर्यावरण संवर्धन), डॉ. सुनीता निकम (नारी सन्मान), अनन्या पाटील (क्रीडा क्षेत्र) यांची या पुरस्कारासाठी निवड करण्यात आली आहे.