सोमाटणे, ता. २५ : सततच्या पावसामुळे आढले, मळवंडी, पुसाणे ही तीनही धरणे यंदा मे मध्येच पूर्ण क्षमतेने भरली. त्यानंतर हलक्या पावसाने या तीनही धरणांच्या सांडव्यातून सध्या वेगाने पाणी वाहत आहे. तर, कासारसाई धरणाची पाणी पातळी वाढली आहे. त्यामुळे विसर्ग सुरू असून नागरिकांनी खबरदारी घ्यावी, असे आवाहन करण्यात आले आहे.
पाणी नियंत्रित करण्यासाठी धरणाच्या दरवाज्यातून ६८० क्युसेकप्रमाणे विसर्ग सुरू करण्यात आला. या विसर्गामुळे नदीला पूर आला असून नागरिकांनी खबरदारी घ्यावी. नदीपात्रात उतरू नये, नदीकिनारी जाऊ नये, असे आवाहन पाटबंधारे विभागाने केले आहे. सध्या कासारसाई धरणात उपयुक्त पाणीसाठा १४ दशलक्ष घनमीटर, तर एकूण पाणीसाठा १५.२६ दशलक्ष घनमीटर, ८६.७९ टक्के इतका नियंत्रित करण्यात आला आहे, अशी माहिती शाखा अभियंता अमर धायगुडे यांनी दिली.

कासारसाई : धरणातून सुरू असलेला विसर्ग.

PNE25V25979