पिंपरी, ता. १७ : भारतात बेकायदेशीररीत्या प्रवेश करून चिंचवडमध्ये राहणाऱ्या दोन बांगलादेशी नागरिकांना चिंचवड पोलिसांनी अटक केली. चिंचवडगावातील जुन्या जकात नाक्याजवळील रिव्हरव्ह्यू हॉटेलमध्ये ही कारवाई करण्‍यात आली. सुनांदो कुमार दास (वय ३५, मुळ रा. हसमदिया, भांगा नगरपालिका, जि. फरिदपुर, बांगलादेश) व अमित मंडल (वय २५, मुळ रा. तेघरीहुडा, उपजि. कालीगंज, जि. झेनाईदाह, बांगलादेश) अशी आरोपींची नावे आहेत. याप्रकरणी पोलिस हवालदार संतोष उभे यांनी चिंचवड पोलिस ठाण्‍यात फिर्याद दिली. दास डिसेंबर २०२४, तर मंडल २०१९ पासून या हॉटेलात बेकायदेशीररीत्या राहात आहेत. मंडलने बनावट कागदपत्रांच्या आधारे भारतातील आधारकार्ड, पॅनकार्ड, मतदार ओळखपत्र तयार केल्याचे उघड झाले.
-----------