चिखली, ता. ९ : प्लॅस्टिक स्टीकर कारखान्याला लागलेल्या आगीत मोठे नुकसान झाले. ही घटना गुरुवारी (ता.९) रात्री नऊच्या सुमारास तळवडेतील गणेशनगर परिसरात घडली.
याबाबत पिंपरी चिंचवड महापालिकेच्या अग्निशामक दलाने दिलेल्या माहितीनुसार, ‘‘या कारखान्याला रात्री नऊच्या सुमारास आग लागल्याची माहिती स्थानिक नागरिकांनी दिली. त्यानंतर अवघ्या पंधरा ते वीस मिनिटांत आठ बंब घटनास्थळी पोहचले. दोन तास प्रयत्न केल्यानंतर आग नियंत्रणात आली. पण, तोपर्यंत कारखान्याचे मोठे नुकसान झाले होते. आगीचे कारण रात्री उशिरापर्यंत समजू शकले नाही.’’