पिंपरी, ता. १८ ः महाराष्ट्र अंधश्रद्धा निर्मूलन समितीची पुणे जिल्हा कार्यकारिणी नुकतीच जाहीर करण्यात आली. यामध्ये जिल्हाध्यक्षपदी सामाजिक कार्यकर्ते मानव कांबळे यांची निवड करण्यात आली. पुणे जिल्हा कार्यकारिणीची निवड रविवारी (ता. १६) चिंचवड येथे पार पडलेल्या जिल्हा प्रेरणा मेळाव्यात जाहीर करण्यात आली. या मेळाव्यास जिल्ह्यातील पुणे शहर, पिंपरी-चिंचवड आणि चाकण या शाखांचे कार्यकर्ते उपस्थित होते. निवड प्रक्रिया राज्य कार्यकारिणी सदस्य दिगंबर कट्यारे, अॅड. मनीषा महाजन आणि उत्तम जोगदंड यांच्या देखरेखीत पार पडली.

कार्यकारिणी पुढीलप्रमाणे
जिल्हा उपाध्यक्ष वनिता फाळके आणि बाळासाहेब घस्ते, जिल्हा कार्याध्यक्ष सम्यक वि.म, जिल्हा प्रधान सचिव संजय बारी आणि मनोहर पाटील, विवेक जागर प्रकाशन व वितरण विभाग कार्यवाह गंगाधर सत्वधर, विविध उपक्रम विभाग कार्यवाह एकनाथ पाठक, वैज्ञानिक जाणिवा शिक्षण प्रकल्प विभाग कार्यवाह अतुल सवाखंडे, महिला सहभाग विभाग आणि कायदेविषयक व्यवस्थापन विभाग कार्यवाह अॅड. परिक्रमा खोत, युवा सहभाग विभाग कार्यवाह अरिहंत अनामिका, विवेकी निवड विभाग कार्यवाह सतीश जाधव, पूनम जाधव, सांस्कृतिक अभिव्यक्ती विभाग कार्यवाह राहुल उजागरे, सोशल मीडिया विभाग कार्यवाह कृष्णा भिसे, संविधान जागर अभियान विभाग कार्यवाह नम्रता ओव्हाळ मोरे, विज्ञान बोध वाहिनी विभाग कार्यवाह महेश कालिदास घाडगे आदींची निवड करण्यात आली. संजय बनसोडे यांनी सूत्रसंचालन केले. सम्यक वि. म. यांनी प्रास्ताविक केले. संजय बारी यांनी आभार मानले.