पिंपरी, ता. २२ ः नवयुग साहित्य व शैक्षणिक मंडळ आणि स्वर्गीय दत्तोपंत म्हसकर सार्वजनिक विश्वस्त संस्था यांच्यातर्फे दत्तोपंत म्हसकर स्मृतिप्रीत्यर्थ काव्यस्पर्धा पार पडली. स्पर्धेत त्रिंबक बिनीवाले यांनी प्रथम, वैभव धस यांनी द्वितीय, आय. के. शेख यांनी तृतीय तर देवेंद्र गावंडे आणि रेवती जोगदंड यांनी उत्तेजनार्थ क्रमांक पटकाविला. मंगला पाटसकर व अनंत घोगले यांना विशेष पुरस्कार प्रदान करण्यात आला.
ही ३२ वी नवयुग श्रावणी काव्यस्पर्धा ज्येष्ठ साहित्यिक दादाभाऊ गावडे यांच्या अध्यक्षतेखाली झाली. यावेळी नवयुगचे राज अहेर, प्रा. तुकाराम पाटील, माधुरी ओक, संस्थेचे प्रदीप पवार, मिलिंद कुलकर्णी, आर. एस. कुमार, पी. के. पाटील यांची उपस्थिती होती. स्पर्धेत ७२ कवींनी कवितेचे सादरीकरण केले. विजेत्यांना सन्मानचिन्ह, रोख रक्कम, प्रशस्तिपत्र आणि शाल तर सहभागी कवींना प्रमाणपत्र देण्यात आले. जयश्री श्रीखंडे आणि संतोष गाढवे या ज्येष्ठ कवींनी परीक्षण केले. कवी अरुण कांबळे यांनी प्रातिनिधिक कविता सादर केली. सलीम शिकलगार, अनिकेत गुहे, नेहा कुलकर्णी, उज्ज्वला केळकर, शरद काणेकर, प्रदीप गांधलीकर यांनी नियोजन केले. अरविंद वाडकर यांनी सूत्रसंचालन तर पी. बी. शिंदे यांनी आभार मानले.