पिंपरी, ता. २५ ः पिंपरी वाघेरे भारतीय बौद्धजन विकास समिती (पिंपरी चिंचवड) यांच्या अंतर्गत "अनोखे अभिवादन वही-पेन संकलन व वितरण समिती (महाराष्ट्र)" तर्फे कन्या विद्यालयात वही-पेन वितरण कार्यक्रम उत्साहात झाला. यावेळी समितीचे अध्यक्ष प्रमोद गायकवाड, विजय कांबळे (उपअभियंता), पुंडलिक बैसाने, राजेंद्र वाघमारे, विक्रमजी खंडागळे, आशा बैसाने, विना कांबळे, सुनंदा गायकवाड, हौसा कांबळे उपस्थित होते. मुख्याध्यापिका सुवर्णा परदेशी व शिक्षकांनी एकूण २० डझन वही-पेन संकलित करून समितीकडे सुपूर्त केले. त्यानंतर समितीने शिक्षकांच्या सहकार्याने गरीब व गरजू विद्यार्थिनींना वही-पेनचे वाटप केले. रोहिणी काकडे यांनी सूत्रसंचालन केले. मुख्याध्यापिका परदेशी यांनी समितीच्या कार्याविषयी कविताही सादर केली. मनिषा भोसले यांनी आभार मानले.
-----