पिंपरी, ता. ३१ ः पिंपरी चिंचवड निवृत्त संघटना (मध्‍यवर्ती) पिंपरी व निवृत्त शाखा चिंचवड यांच्या संयुक्त विद्यमाने नुकतीच त्रैमासिक सभा व आरोग्य शिबिर उत्साहात झाले. चिंचवडगावातील ज्येष्ठ नागरिक विरंगुळा केंद्राच्या सभागृहात हा कार्यक्रम झाला. मध्यवर्ती संघटनेचे अध्यक्ष श्रीकांत मोने यांनी शहरातील सात शाखांच्या अध्यक्ष व पदाधिकाऱ्यांचे स्वागत केले. कार्यकारिणीच्या दिवंगत सभासदांना श्रद्धांजली वाहण्यात आली. नवीन सभासदांची नेमणूक व संध्या छाया या स्मरणिकेसाठी मान्यता घेण्यात आली. वयाची ८० वर्षे पूर्ण झालेल्या सदस्यांचा सत्कार करण्यात आला. चिंचवड शाखेचे अध्‍यक्ष रमेश इनामदार यांनी आभार मानले. यावेळी रमेश डोंगरे, नामदेव शेकोकर यांनी मार्गदर्शन केले. हॅपीहेल्थ सेंटरचे प्रमुख मारुती दांगट यांनी ‘निवृत्तांचा आहार व विहार कसा असावा’ याविषयी मार्गदर्शन केले. ते म्हणाले, ‘‘उर्वरित आयुष्य आनंदी समाधानी कसे जाईल, याकडेच सर्वांचे लक्ष हवे. त्यासाठी प्रत्येकाने वजन नियंत्रणात ठेवणे आवश्यक असते.’’ नामदेव तारू व गणेश विपट यांनी आभार मानले.
-----