सोमाटणे, ता. ३१ ः ऋषीपंचमी निमित्त सोमाटणे येथील डोळसनाथ नागरी सहकारी पतसंस्थेच्या वतीने गोरक्षनाथ मठ सोमाटणे येथे सामुहिक अथर्वशीर्ष पठण घेण्यात आले. सकाळी साडेसात वाजण्याच्या सुमारास गणेशाला अभिषेक घालून कार्यक्रमाची सुरवात करण्यात आली. यावेळी एकूण अकरा आवृत्त्या घेण्यात आल्या, उपक्रमात महिला मोठ्या संख्येने सहभागी झाल्या होत्या. कार्यक्रमाचा शेवट महालक्ष्मी आरतीने झाला. या प्रसंगी विविध क्षेत्रात उल्लेखनीय कार्य करणाऱ्या महिलांचा सन्मान करण्यात आला. यावेळी माजी सरपंच नलिनी गायकवाड, प्रतिभा डहाळे, ज्योती कदम, मीना जाभळीकर, चेतना धनवडे, स्नेहल गराडे, शालिनी मुऱ्हे आदींसह इतर महिला उपस्थित होत्या.