पुणे, ता. २ ः गणेशोत्सवाचे औचित्य साधून आळंदी येथील एमआयटी आटर्स, कॉमर्स अँड सायन्स महाविद्यालयात आयोजित मखर बनविण्याच्या स्पर्धेत बालाजी पवार आणि तृतीय वर्षाच्या ग्रुपने प्रथम पारितोषिक मिळविले. ‘द क्रिएटिव्ह स्किल फूल हॅंड’ या क्लबच्या माध्यमातून ही स्पर्धा आयोजित केली होती. महाविद्यालयातील विद्यार्थ्यांनी या स्पर्धेत उत्साहाने सहभाग नोंदविला. पर्यावरण पूरक साहित्य वापरून बनवलेली मखरे आकर्षणाचा विषय ठरली होती. स्पर्धेसाठी प्रा. निशिगंधा भालेकर यांनी विशेष मेहनत घेतली. त्यांना डॉ. सुनील महाजन, महाविद्यालयाचे संचालक डॉ. बी. बी. वाफारे यांनी मार्गदर्शन केले.