पिंपरी, ता. ४ ः दिघी कृष्णानगर येथील नवचैतन्य मित्र मंडळाने २५ व्या रौप्य महोत्सवी वर्षानिमित्त निवृत्ती महाराज देशमुख इंदुरीकर यांचा कीर्तन सोहळा आयोजित केला होता. तसेच व्ही.एस.एल सामाजिक संस्थेच्या सहकार्याने मोफत आरोग्य तपासणी शिबिर आयोजित केले होते. सोहळ्यास नागरिकांचा उत्स्फूर्त प्रतिसाद मिळाला आणि २१३ लोकांनी आरोग्य शिबिराचा लाभ घेतला. मंडळाचे कार्याध्यक्ष निखिल सावंत, अध्यक्ष रितेश लोंढे, उपाध्यक्ष किरण मेंगळे, सचिव अभिषेक चौधरी आणि खजिनदार प्रथमेश पुंडलिक यांनी नियोजन केले.