पिंपरी, ता. ६ : अखिल भारतीय ब्राह्मण महासंघाची (अभाब्राम) महाराष्ट्र प्रदेश कार्यकारिणी नुकतीच जाहीर करण्यात आली. यात पिंपरी-चिंचवडमधील नऊ जणांना महत्त्वपूर्ण जबाबदारी देण्यात आली आहे.
यामध्ये पुष्कराज गोवर्धन-प्रदेश उपाध्यक्ष, तर दिलीप कुलकर्णी यांची सरचिटणीसपदी निवड झाली आहे. या प्रमुख पदांमुळे संघटनेच्या राज्यस्तरीय धोरणात्मक निर्णयांमध्ये पिंपरी-चिंचवड शहराचा सहभाग वाढणार आहे. यासोबतच संजय परळीकर (चिटणीस), अजित देशपांडे (प्रवक्ता), अश्विन इनामदार (युवा अध्यक्ष), आर. एस. कुमार (मार्गदर्शक), सचिन कुलकर्णी (जिल्हाध्यक्ष) म्हणून जबाबदारी देण्यात आली आहे. या व्यतिरिक्त पवन वैद्य व अनुपमा कुलकर्णी यांची कार्यकारिणी सदस्य म्हणून निवड झाली आहे.