पिंपरी, ता. ६ ः महापालिका समाज विकास विभाग, ई क्षेत्रीय कार्यालय व टाटा स्ट्राईव्ह यांच्यातर्फे ‘सक्षमा’ उपक्रमांतर्गत रक्षाबंधनानिमित्त महिला बचत गटांनी तयार केलेल्या वस्तूंचे विक्री व प्रदर्शन आयोजित केले होते. त्यात १६ हजार ६०० रुपयांची खरेदी झाली. यामध्ये राख्या, कलाकृती, हस्तकला साहित्य आणि खाद्यपदार्थांचा समावेश होता. महिला बचत गटांनी स्वतःची कला, कौशल्य आणि उद्योजकीय क्षमता प्रदर्शित करण्याची संधी या उपक्रमातून साधली. क्षेत्रीय अधिकारी तानाजी नरळे, समूह संघटिका जयश्री पवळे, समूह संघटक दत्तात्रेय गोयकर, इ प्रभाग झोनल कॉर्डिनेटर सुजाता परदेशी यांनी संयोजन केले. या उपक्रमात महालक्ष्मी, वरद लक्ष्मी, आदिश्री, गुरुकृपा, तुळजाभवानी, गृहलक्ष्मी, स्वावलंबी, सिलवान काउंट या महिला बचत गटांचा समावेश होता.