पिंपरी, ता. ८ : रक्षाबंधनानिमित्त महाराष्ट्र नाभिक महामंडळ पुणे जिल्हा कार्यकारिणीच्या वतीने सैनिकांसाठी राख्या पाठविण्यात आल्या. औंध कॅम्प टपाल कार्यालय येथून माजी सैनिक शंकरराव गायकवाड यांच्या हस्ते शुभेच्छा पत्र व राख्या टपाल कार्यालयातील अधिकारी यांच्या मार्फत पाठविण्यात आल्या. महामंडळाचे पुणे जिल्हाध्यक्ष अशोकराव मगर, प्रणीत पावले, गजानन वाशीमकर यांनी आयोजन केले. यावेळी पुणे जिल्हा महिलाध्यक्षा मंगल आढाव, माजी महिलाध्यक्षा अनिता मगर, महिला संघटक सुजाता वाळुंजकर, भारती वाशीमकर आदी उपस्थित होते. प्रा. विक्रमादित्य मालतुमकर यांनी सूत्रसंचालन केले. जिल्हा कोषाध्यक्ष तानाजी वाळुंजकर यांनी आभार मानले.
---