पिंपरी, ता. २५ : जुन्या वादातून टोळक्याने टपरीची तोडफोड केली. तसेच कोयते दाखवून परिसरात दहशत निर्माण केली. ही घटना पिंपरी रेल्वेस्थानक परिसरात घडली.
स्वराज भैरवनाथ धाकतोडे (वय १८, रा. भाटनगर, पिंपरी), राहुल नवनाथ कापसे (वय १८, रा. नाणेकर चाळ, पिंपरी) आणि त्यांच्या सहा अल्पवयीन साथीदारांवर गुन्हा दाखल झाला आहे. या प्रकरणी सचिन संजय गायकवाड (रा. भारतनगर, पिंपरी) यांनी पिंपरी पोलिस ठाण्यात फिर्याद दिली आहे. फिर्यादी यांच्या नातेवाईकाची पिंपरी रेल्वे स्थानकाजवळ टपरी आहे. जुन्या भांडणातून आरोपींनी या टपरीचे नुकसान केले. तसेच फिर्यादी सचिन गायकवाड यांना शिवीगाळ करत पोलिसांत तक्रार का केली, असे म्हणत धमकी दिली.