एसटी बसच्या धडकेत तरुणाचा मृत्यू

पिंपरी, ता. २५ : एसटी बसने दिलेल्या धडकेत तरुणाचा मृत्यू झाला, तर दोघेजण गंभीर जखमी झाले. ही घटना जुन्या पुणे-मुंबई महामार्गावर निगडी येथे घडली.
राहुल तुपे (रा. रुपीनगर, तळवडे) असे या अपघातात मृत्यू झालेल्या तरुणाचे नाव आहे. तर गणेश सोमवंशी व ओंकार कांबळे (दोघेही रा. रुपीनगर, तळवडे) हे दोघे जखमी आहेत. या प्रकरणी एसटी बस चालक आनंद तानाजी पाटील (रा. जत, जि. सांगली) याला देहूरोड पोलिसांनी अटक केली आहे. ओंकार कांबळे त्याच्या दुचाकीवरून त्याचे मित्र राहुल व गणेश यांच्यासोबत रुपीनगर येथे जात होते. दरम्यान, दुभाजकाजवळ दुचाकी थांबविली होती. त्यावेळी एसटी बसने त्यांच्या दुचाकीला धडक दिली. यामध्ये गंभीर जखमी झाल्याने राहुल यांचा मृत्यू झाला.