बालाजीनगर चौकात कचऱ्याचा ढीग
एमआयडीसी भोसरीमधील बालाजीनगर चौक जवळील शरयु टोयाटो जवळ कचऱ्याचा ढीग पडला आहे. कचरा टाकल्यामुळे नागरिकांच्या आरोग्याचा प्रश्‍न निर्माण झाला आहे. येथील कचरा उचलला जात नाही किंवा वेळेत साफ केला जात नाही. कचरा कुजल्यामुळे दुर्गंधी येत आहे. त्यामुळे आरोग्याच्या समस्या निर्माण झाली आहे.
- प्रशांत पोरे, भोसरी

काळेवाडी-लिंक रोड रॅम्प खुला करा
काळेवाडीकडून लिंक रोडवर उतरणारा व चढणारा रॅम्प वाहतुकीला खुला झालेला नाही. या कामाची अंतिम तारीख ३१ मार्च उलटून आता २ महिने होत आले आहेत. महाराष्ट्र दिनी त्याचे उद्‍घाटन होईल, अशी आशा होती. परंतु ते ही झाले नाही. आधीच ३ ते ४ वर्षांपासून काम सुरू होते. त्यात एकदा अंतिम तारीख वाढवली आणि ती सुद्धा संपून दोन महिने पूर्ण होतील. तरी सुद्धा हा रस्ता सर्वसामान्य नागरिकांसाठी खुला कधी होणार ? याचे कोडे काही उलगडत नाही. आता कोणत्या मुहूर्तावर हा रस्ता चालू करणार आहेत ? असा प्रश्‍न नागरिकांना पडला आहे.
- एस. एस. पाठक, काळेवाडी

आकुर्डीतील रस्त्यावर धोकादायक भेग
आकुर्डी गावठाणातील मुख्य रस्त्यावर शितळादेवी मंदिर परिसरात धोकादायक भेग पडली आहे. त्यामुळे अपघात किंवा वाहतुकीला अडथळा होऊ शकते. वाहनांसाठी विशेषतः दुचाकीचालकांसाठी ती धोकादायक आणि अपघाताला कारणीभूत ठरू शकते. प्रशासनाने यावर काही तरी उपाय योजना करावी.
- नीलेश काटे, आकुर्डी

नाल्याच्या पाण्याने ‘मानस विहार’ पाण्यात
गेल्या वीस वर्षांत तळेगाव स्टेशन परिसरातील तपोधाम कॉलनीमधील मानस विहार सोसायटी लगतच्या नाल्याची नगर परिषद प्रशासनाने दुरुस्ती केलेली नाही. किंवा त्याची कधीच साफसफाई केली नाही. त्यामुळे दरवर्षी पावसाळ्यात ही सोसायटी सांडपाण्यात पूर्णपणे डुंबत असते. पाण्याचा निचरा होत नसल्याने रहिवाशांची मोठी अडचण होत असते. त्यामुळे त्यांचे आरोग्य धोक्यात आले आहे. प्रशासनाने कायमस्वरूपी बंदिस्त गटार करून दिलासा द्यावा.
- दिलीप डोळस, तळेगाव दाभाडे