पिंपरी, ता. १५ ः शहरात सोमवारी झालेल्या मुसळधार पावसामुळे त्रिवेणी चौकात पाण्याचे वाट पाहात होते, तर निगडी-तळवडे मार्गावरील गोपीनाथ मुंडे चौकाची वाट नदीसदृश्य झाली होती.
सांडपाणी रस्त्यावरून वाहत असल्याने पादचाऱ्यांना तारेवरची करावी लागली. दुचाकीस्वार जीव मुठीत धरून जात होते, तर वाहनचालकांनाही सावधानता बाळगावी लागत होती. मुंडे चौकात बहुतांश वेळा कचरा साचून बंद झालेल्या असतात. थोडा पाऊस झाला तरी त्यावरून सांडपाणी वाहते. याचा सर्वाधिक फटका पादचाऱ्यांना बसतो. अनेक दुकानांमध्ये पाणी शिरत असल्याने त्यांचेही नुकसान होते.
महापालिका प्रशासनाने त्रिवेणी चौकातील वाहतूक कोंडी फोडण्यासाठी येथील अतिक्रमण हटवून रस्ता रुंदीकरण केले. चौकाच्या मध्यभागी हिरवळीचा भाग विकसित केला जाणार आहे. त्यासाठी आणलेली लाल माती पावसाच्या पाण्यात वाहून गेली. ही माती रस्त्यावर आल्याने दुचाकी घसरून अपघाताचा धोका निर्माण झाला आहे.
----------
रस्त्यांची चाळण
देहू-आळंदी रस्त्यावरील कॅनबे चौकात रस्त्यावर मोठे खड्डे पडले असून रस्त्याची अक्षरशः चाळण झाली आहे. महापालिका प्रशासनाने काही दिवसांपूर्वीच रस्त्यावर डांबर टाकून खड्डे बुजविले होते. पण, त्यानंतर झालेल्या पावसातच डांबर वाहून गेला असून पुन्हा परिस्थिती जैसे-थे असल्याचे दिसून येते. रस्त्यावरील खड्यामुळे वाहतूक संथ झाली आहे. तळवडे येथील गणेशनगर चौकातही खड्डे पडले आहे. पावसाच्या पाण्यामुळे खड्डे दिसत नसल्यामुळे दुचाकी चालकांचे अपघात होत आहे. मोठा अपघात होऊन जीवितहानी होण्याची शक्यता आहे. महापालिका प्रशासनाने खड्डे तत्काळ बुजविण्याची मागणी नागरिकांनी केली आहे.
-----