तयारी नवरात्रोत्सवाची (फोटो फिचर)

‘आदिशक्तीची उपासना करण्याचे पर्व’ अशी श्रद्धा असलेला नवरात्रोत्सव सोमवारपासून (ता. २२) सुरू होत आहे. या दिवशी घटस्थापना होऊन पुढील नऊ दिवस विविध धार्मिक विधी, पूजा आणि कार्यक्रमांचे आयोजन केले जाते. त्यासाठी आवश्यक साहित्य खरेदीसाठी बाजारात गर्दी वाढली आहे. सोबतच दांडिया, गरब्यासाठी पारंपरिक पोषाख, ऑक्सिडाइज् ड-इमिटेशन ज्‍वेलरी आदी साहित्‍याने बाजारपेठा सजू लागल्‍या आहेत. घटासाठी देवीचे मुखवटे, अलंकार, लाल वस्त्र, सजावटीचे साहित्य आदी साहित्याला मागणी वाढली आहे. सोबतच दारावरील तोरण व देवीच्या प्रतिकृतीचे रांगोळीचे साचे, आकर्षक झुंबर बाजारात उपलब्ध आहेत. आकुर्डीतील श्री तुळजाभवानी मंदिराच्या बाहेर मंडप उभारणीचे कामही वेगाने सुरू आहे. नवरात्रोत्सवात देवीच्या जागराबरोबरच उत्साहाची उधळण पाहायला मिळणार आहे. (संतोष हांडे : सकाळ छायाचित्रसेवा)