पिंपरी, ता. ४ ः पावसाने मराठवाड्यातील विविध जिल्ह्यांत पूरसदृश्य परिस्थिती निर्माण झाली आहे. त्यामध्ये शेतकऱ्यांचे अतोनात नुकसान झाले आहे. त्या पार्श्वभूमीवर, पुनावळेच्या समाजसेवा फाउंडेशनमार्फत मराठवाड्यातील पूरग्रस्तांना मदतीचा हात देण्यात आला. नांदेड जिल्ह्यातील विविध तालुक्यांत २५० गरजू मुलांना शालेय साहित्य वाटप करण्यात आले. यावेळी समाजसेवा फाउंडेशनचे अध्यक्ष राजू पेठे, महावीर गरड, मनमत सोनटक्के, मनमत हंकारे, पवन तोंडारे, ज्ञानेश्वर लासुरे उपस्थित हेते. शिवा संघटनेचे उपाध्यक्ष दत्ता खंकरे, बालाजी सुभाने यांचे सहकार्य लाभले.