पिंपरी, ता. १ ः महापालिकेच्या समाज विकास विभागामार्फत महिला व बालकल्याण योजनेतील आकुर्डी येथील खाद्यपदार्थ केंद्रातील गाळे महिला बचत गटांना ई-लिलावाद्वारे भाडेकराराने देण्यात आले. त्यासाठी ई-लिलाव झाला. त्यात ९७ बचत गटांनी सहभाग नोंदवला. ४९ गाळ्यांचा लिलाव झाला. १५ हजार शंभर ते ३२ हजार रुपयांपर्यंत बोली लावली गेली. देशातील हा पहिलाच ई-लिलाव ठरल्याचे महापालिका आयुक्त शेखर सिंह यांनी सांगितले. गाळे तीन वर्षांसाठी भाड्याने दिले जाणार आहेत. वापर समाधानकारक असल्यास दोन वर्षांची मुदतवाढ मिळेल. भाडे व देखभाल शुल्काचा भरणा संबंधित गटानेच करायचा आहे. विलंब झाल्यास दंड आकारला जाईल. गाळ्यांचा वापर केवळ नोंदणीकृत बचत गटांनाच करता येईल.
….