पिंपरी, ता. २४ : महापालिकेच्या वतीने दिवंगत माजी महापौर मधुकर पवळे यांच्या पुण्यतिथीनिमित्त मुख्य प्रशासकीय इमारतीमधील त्यांच्या प्रतिमेस शहर अभियंता मकरंद निकम यांच्या हस्ते, तर निगडी येथील लोकमान्य टिळक चौकातील त्यांच्या पुतळ्यास सहाय्यक आयुक्त तथा क्षेत्रीय अधिकारी अतुल पाटील यांच्या हस्ते पुष्पहार अर्पण करून अभिवादन करण्यात आले. या वेळी माजी नगरसेविका सुमन पवळे, सहशहर अभियंता बापू गायकवाड, उपायुक्त अण्णा बोदडे, विशेष अधिकारी किरण गायकवाड, जनसंपर्क अधिकारी प्रफुल्ल पुराणिक आदींसह नागरिक उपस्‍थित होते.