पिंपरी, ता. २८ : सत्तेवर आल्यास ५०० चौरस फुटांचे घर देऊ, असे आश्वासन व घोषणा मुख्यमंत्री देवेंद्र फडणवीस यांनी केली होती. सध्या त्‍यांचे सरकार सत्‍तेत आहे. झोपड्पट्टीधारकांच्या आश्वासनांची पूर्तता करण्याची मागणी सर्व हारा उत्कर्ष चिंतन समाज संघटनेचे संस्थापक -अध्यक्ष प्रा. बी. बी. शिंदे यांनी केली आहे. मुख्यमंत्री देवेंद्र फडणवीस यांना दिलेल्‍या निवेदनात ही मागणी करण्यात आली आहे. तसेच सामाजिक न्याय व विशेष सहाय्य विभागाचे प्रधान सचिव डॉ. हर्षदीप कांबळे यांनाही त्‍याबाबत स्‍मरणपत्र देण्यात आले आहे. प्रा. शिंदे यांच्यासह संघटनेचे महासचिव हरिश्चंद्र शिंदे, कार्याध्यक्ष लक्ष्मण रोकडे, उपाध्यक्ष अशोक जावळे, सह संघटक रामभाऊ ओव्हाळ यांच्यासह विविध सामाजिक संघटनांचे पदाधिकारी, कार्यकर्ते यांच्या स्मरणपत्रावर स्वाक्षरी आहेत.