पिंपरी, ता. ४ : राजगुरुनगर येथील पिंपरी चिंचवड शहर जिल्हास्तर किशोरी गट कबड्डी निवड चाचणी स्पर्धेमध्ये महानगरपालिकेच्या क्रीडा कला विकास प्रकल्प कबड्डी संघाच्या भाग्यश्री केरूळकर व स्नेहल पवार यांची निवड झाली.
बोपखेल येथे बुधवारपासून (ता.५) होणाऱ्या ३६ व्या किशोरी गट राज्यस्तर स्पर्धेसाठी ही निवड झाली. या दोन्ही खेळाडू
पिंपरी चिंचवड शहराचे प्रतिनिधित्व करणार आहे. या त्यांच्या यशाबद्दल क्रीडा विभागाचे उपायुक्त पंकज पाटील, क्षेत्रीय अधिकारी किशोर ननवरे, क्रीडा अधिकारी रंगराव कारंडे, प्रशासन अधिकारी उमा पुलगम, क्रीडा पर्यवेक्षक दीपक कन्हेरे, मुख्याध्यापक बाबासाहेब राठोड यांनी विशेष अभिनंदन करून शुभेच्छा दिल्या. दोन्ही खेळाडूंना क्रीडा पर्यवेक्षक बन्सी आटवे, राष्ट्रीय खेळाडू सोनाली जाधव यांचे मार्गदर्शन तर धनंजय झिंजुर्डे, संतोष बारणे यांचे सहकार्य लाभले.