पिंपरी, ता. ६ : पुणे महानगर प्रदेश विकास प्राधिकरण (पीएमआरडीए) हद्दीमधील औद्योगिक प्रकल्पांना विविध अडचणी येत आहेत. यावर तोडगा काढण्यासाठी शुक्रवारी (ता. ७) आकुर्डी येथील ग. दि. माडगुळकर सभागृहात सकाळी ११ वाजता कार्यशाळा घेण्यात येणार आहे.
मूळ पायाभूत सुविधा पुरविणे, अतिक्रमण व अनधिकृत बांधकामे, अग्निशमन ना हरकत दाखला व प्राधिकरणाच्या नियमावलीनुसार विकास परवानगीसाठी बीपीएमएस संगणक प्रणाली राबविताना अडचणी येत आहेत. त्यामुळे त्यामुळे चाकण, रांजणगाव, हिंजवडी, तळेगाव, पिरंगुट आदी भागांत प्रकल्पाच्या विकसनास उशीर होत आहे. त्यावर समस्या समजून घेत त्यावर उत्तरे शोधली जाणार आहेत, असे महानगर आयुक्त डॉ. योगेश म्हसे यांनी सांगितले.