पिंपरी, ता. ८ ः पुणे महानगर परिवहन महामंडळाच्या (पीएमपीएमएल) मुख्य वाहतूक व्यवस्थापकपदी यंशवत हिंगे यांची नियुक्ती करण्यात आली आहे. हिंगे हे पिंपरी डेपोत मुख्य वाहतूक व्यवस्थापक (ऑपरेशन) या पदावर कार्यरत होते. या आधीचे मुख्य वाहतूक व्यवस्थापक सतीश गव्हाणे यांना बढती देण्यात आली आहे. त्यांची नियुक्ती मुख्य वाहतूक व्यवस्थापक (कमर्शिअल) पदी करण्यात आली आहे. तसेच त्यांच्याकडे जनरल मॅनेजर ऑपरेशन ॲण्ड इंजिनिअरिंग या पदाचा अतिरिक्त कारभार सोपविण्यात आला आहे.