पिंपरी, ता. १० ः चिंचवड देवस्थान ट्रस्ट व नादब्रह्म परिवारातर्फे आयोजित संगीत सभेमध्ये ज्येष्ठ गायक डॉ. विकास कशाळकर यांचे सुश्राव्य गायन पार पडले. मंगलमूर्ती वाड्यात आयोजित करण्यात आलेल्या या संगीतसभेची सुरवात त्यांनी ‘जप ने तू नाम’ या ख्यालाने केली. त्यानंतर त्यांनी जोड बंदिश सादर केली. उत्तरार्धात ‘सबन के दुःख हारो तुम’ व जपत निरंतर शंकर ही बंदिश सादर केली. सूरदास यांच्या ‘श्‍याम तेरी मुरली बजाऊ’ हे भजन गात त्यांनी सांगता केली. त्यांना संवादिनीवर सुमंत बिवलकर, तबल्यावर ऋषिकेश सुरवसे, तानपुऱ्यावर परिमल कोल्हटकर व अभिजित कुलकर्णी यांनी साथसंगत केली. यावेळी डॉ. रवींद्र घांगुर्डे, डॉ. वंदना घांगुर्डे यांच्यासह असंख्य संगीतप्रेमी उपस्थित होते.
-----