पिंपरी, ता. १० ः निगडी भक्ती शक्ती चौकात मेट्रोचे काम सुरू आहे. त्यासाठी सेक्टर २३ मधील जलशुद्धीकरण केंद्रातून जाधववाडी चिखलीकडे जाणारी मुख्य जलवाहिनी स्थलांतरित केली जाणार आहे. हे काम मंगळवारी (ता. ११) केले जाणार आहे. त्यामुळे या जलवाहिनीवरून पाणीपुरवठा होणाऱ्या चिखलीतील जाधववाडी परिसर, मोईफाटा ते रिव्हर चौक आणि किनारा सोसायटी या परिसरातील पाणीपुरवठा मंगळवारी सायंकाळचा बंद राहणार आहे. बुधवारी (ता. १२) सकाळी पाणीपुरवठा अनियमित व कमी दाबाने होईल. त्यामुळे नागरिकांनी पाण्याचा पुरेसा साठा करून ठेवावा आणि पाणी काटकसरीने वापरून सहकार्य करावे, असे आवाहन महापालिका प्रशासनाने केले आहे.
----