पिंपरी, ता. १४ ः गोवा येथील प्रतिष्ठित ‘आयर्नमॅन ७०.३ गोवा’ या आंतरराष्ट्रीय ट्रायथलॉन स्पर्धा चिंचवडमधील अमोल दिलीप एरी यांनी यशस्वीरित्या पूर्ण केली.
एरी यांनी सहकाऱ्याबरोबर १.९ किलोमीटर जलतरण, ९० किलोमीटर सायकलिंग आणि २१.१ किलोमीटर धावणे 21.1 किमी धावणे हे तीनही टप्पे केवळ ८ तासांत पूर्ण केले. ही स्पर्धा जगभरातील खेळाडूंना शारीरिक आणि मानसिक क्षमतेची खरी कसोटी ठरते. एरी यांनी सातत्यपूर्ण मेहनत, शिस्त आणि चिकाटीच्या जोरावर हा हे यश मिळविले. या यशाबद्दल मित्रपरिवार, कुटुंबीय आणि सहकाऱ्यांकडून त्यांचे अभिनंदन होत आहे.