सोमाटणे, ता. १९ ः घोरावडेश्वर येथे महाशिवरात्रीनिमित्त अखंड हरिनाम सप्ताह व जगद्‍गुरु संत तुकाराम महाराज पंचमवेद गाथा पारायण सोहळा गुरुवारी (ता. २०) सुरू होत आहे.
श्री क्षेत्र घोरावडेश्वर विकास प्रतिष्ठान, श्री घोरावडेश्वर प्रासादिक दिंडी व श्री क्षेत्र घोरावडेश्वर अखंड हरिनाम सप्ताह यांच्या वतीने महाशिवरात्र उत्सवाचे आयोजन करण्यात आले आहे. या सप्ताहात दररोज पहाटे काकड आरती, गाथा पारायण, महिला भजन, हरिपाठ, हरि जागर, कीर्तन, महाप्रसाद आदी धार्मिक कार्यक्रम होणार आहेत. या सोहळ्यात पद्माकर महाराज पाटोळे, पंकज महाराज गावडे, माउली महाराज कदम, धाकटे माउली महाराज कदम, पुंडलिक महाराज मोरे आदींची कीर्तनसेवा होणार असून, गुरुवारी (ता. २७) सकाळी श्रीकांत महाराज पातकर यांचे काल्याचे कीर्तन होऊन उत्सवाची सांगता होणार आहे, अशी माहिती क्रेटोमेंड बोर्डाचे माजी उपाध्यक्ष रघुवीर शेलार, भाऊसाहेब पानमंद, मधुकर बोडके, शिवाजी सावंत, राजेश मुऱ्हे, योगेश शेलार यांनी दिली.
---