पिंपरी, ता. १६ : प्रेमसंबंधाच्या कारणावरून एका महिलेने तीस वर्षीय तरुणाचा खून केला. ही घटना इंदोरी (ता. मावळ) येथे घडली.
कमल रामदयाल मधुकर (वय ३०, रा. छत्तीसगड) असे खून झालेल्‍या तरुणाचे नाव आहे. याप्रकरणी ‍त्याच्‍या २० वर्षीय बहिणीने तळेगाव एमआयडीसी पोलिस ठाण्‍यात फिर्याद दिली आहे. त्‍यानुसार पोलिसांनी इंदोरीतील तीस वर्षीय महिलेवर गुन्‍हा दाखल केला आहे. कमल हा इंदोरी गावातील आरोपीच्या घरी गेला. प्रेमसंबंधाच्या कारणावरून त्यांच्यात वाद झाला. यामध्ये आरोपी महिलेने कमल याचे हात-पाय बांधून क्रिकेटच्या बॅटने त्याच्या डोक्यात व हाता पायावर मारहाण केली. यामध्ये गंभीर जखमी झाल्याने कमल याचा मृत्यू झाला. आरोपी महिला विवाहित असून, तिचा पती सुरक्षारक्षकाचे काम करतो. तर कमल हा मजुरीचे काम करायचा. -------------