सोमाटणे, ता. ११ : येथे किशोर आवारे यांच्या पुतळ्याला राखी बांधून रक्षाबंधन साजरे करण्यात आले. यात शालेय विद्यार्थिनींनी सहभाग घेतला. तर, किशोरभाऊ आवारे प्रतिष्ठानच्या वतीने विद्या आवारे यांच्या मार्गदर्शनाखाली सोमाटणे येथे किशोर आवारे यांचा पुतळा उभारण्यात आला. याचे अनावरण रक्षाबंधनादिवशी प्रियांका किशोर आवारे यांच्या हस्ते करण्यात आले. या कार्यक्रमास डॉ. शाळिग्राम भंडारी, सुलक्षणा गायकवाड, अश्विन गायकवाड, प्रमोद कांबळे, डॉ. आशा राव, उज्ज्वला भोईने, मरेगळ आदींसह तुळजाभवानी विद्यालय सोमाटणे, जिल्हा परिषेद प्राथमिक शाळेच्या विद्यार्थिनींसह महिलांच्या उपस्थितीत करण्यात आले. यावेळी डॉ. भंडारी यांनी संस्कार, आरोग्य व किशोर आवारे यांनी आदिवासी मुलींच्या शिक्षणासाठी केलेले कार्य याविषयी माहिती दिली. प्रियांका आवारे यांनी सर्व मुलींचा सतर्क करुन शिक्षणातील आर्थिक अडचणी सोडवण्याचे आश्वासन दिले.

PNE25V38993