पिंपरी, ता. १२ ः शहरातील नागरिक आणि प्रशासन यांच्यात सुसंवाद राखण्यासाठी महापालिकेच्या सर्व क्षेत्रीय कार्यालयांत जनसंवाद सभा झाल्या. त्यात ६२ तक्रार वजा सूचना प्राप्त झाल्या आहेत. प्रत्येक भागात सुरू असलेल्या स्थापत्य विषयक कामांमुळे नागरिकांना त्रास होत आहे, मेट्रो कामामुळे वाहतुकीला अडथळा होत आहे, शहरात ठिकठिकाणी पडणारा कचरा, खड्डे, ज्येष्ठ नागरिक मंचच्या बसण्याची तुटलेल्या खुर्च्या, उद्यानांमधील मोडकळीस आलेली खेळणी, मार्केटच्या ठिकाणी वाहनाची वाढलेली गर्दी, महिला स्वच्छता गृहांची कमतरता आदींचा तक्रार वजा सूचनांमध्ये समावेश होता.