पिंपरी, ता. १४ : फटाका विक्रीच्या स्टॉलची जाहिरात करण्यासाठी थेरगाव येथील काही तरुणांनी चक्क प्लॅस्टिकच्या बनावट पिस्तुलासह गोळीबाराचा व्हिडिओ तयार करून व्हायरल केला. वाकड पोलिसांनी या प्रकाराची गंभीर दखल घेत संबंधित तरुणांनी वेळीच पोलिसी खाक्या दाखवल्याने त्याने माफी मागून व्हिडिओ डिलीट केला.
हातात प्लास्टिकच्या पिस्तुल, अंगावर काळे कपडे, चेहऱ्यावर गुंडांचे हावभाव आणि बनावट गोळीबाराचे दृश्य अशी असा व्हिडिओ तयार करून शेवटी फटाक्यांच्या स्टॉलचे नाव दाखवून जाहिरात केली जाते. हा व्हिडिओ व्हायरल झाल्यानंतर थेरगावमध्ये गोळीबार झाल्याची अफवाही नागरिकांमध्ये पसरली. वाकड पोलिसांनी संबंधित तरुणाला पोलिस ठाण्यात आणून समज दिली.