पिंपरी, ता. १८ : कॅम्प एज्युकेशन सोसायटीच्या विलू पूनावाला प्राथमिक शाळेमध्ये दिवाळीनिमित्त आकाशकंदील कार्यशाळेचे आयोजन करण्यात आले. विद्यार्थ्यांच्या सृजनशीलता आणि कलाकौशल्याला वाव देणे तसेच स्वकार्यातून आनंदनिर्मिती हा या उपक्रमाचा उद्देश होता. मुख्याध्यापिका सुनीता जाधव यांनी विद्यार्थ्यांना कागदकाम आणि हस्तकलेचे महत्त्व समजावून सांगितले. या कार्यशाळेच्या यशस्वितेसाठी मंजिरी ब्रम्हे आणि बापूराव भोसले यांनी परिश्रम घेतले, तर विद्यार्थ्यांना कलाशिक्षक विशाल केदारी यांनी मार्गदर्शन केले.
---