पिंपरी, ता. २३ : पालखी सोहळ्यात सहभागी वारकऱ्यांना महाराष्ट्र रिक्षा पंचायतीतर्फे मोफत रिक्षासेवा, आरोग्य सुविधा, चरण सेवा, मोबाइल चार्जिंग, पाणीपुरवठा, अन्नदान, निवास, स्वच्छता, मार्गदर्शन, आपत्कालीन सेवा, सुरक्षा व्यवस्था आदी सेवा पुरवण्यात आली. पिंपरीतील खराळवाडी येथे ही सेवा देण्यात आली. पिंपरी-चिंचवड महापालिका फेरीवाला समिती सदस्या आशा कांबळे, टपरी पथारी हातगाडी पंचायत पिंपरी-चिंचवड शहराध्यक्ष रमेश शिंदे, सचिव प्रकाश यशवंते, इस्माईल बागवान, महिला अध्यक्ष नानी गजरमल, महाराष्ट्र रिक्षा पंचायत युवक अध्यक्ष शुभम तांदळे, अनिकेत भालेराव, घरकाम महिला अध्यक्ष रेखा भालेराव, ॲड. काजल कांबळे, अंजली तांदळे, महिला रिक्षा चालक यमुना काटकर यांनी ही सेवा दिली.