पाणी बचतीसाठी नियोजन आवश्यक
‘दिवसाआड पाण्याची सहा वर्षे’ ही बातमी २५ नोव्हेंबरच्या अंकात वाचली. पिंपरी चिंचवड महानगरपालिका दिवसाआड पाणीपुरवठा करत आहे. सध्याच्या काळात पाण्याची बचत गरजेची आहे. पाणी वर्षभर काटकसरीने वापरणे जास्त योग्य आहे. बचतीने पाणी वापरण्यासाठी जागृती वाढविली पाहिजे. काही ठिकाणी पिण्याच्या पाण्याचा वापर वाहने धुण्यासाठी केला जातो. तसेच पाण्याची गळती, टाक्या भरून वाहणे, सार्वजनिक ठिकाणचे नळ उघडे ठेवून जाणे, असे प्रकारही दिसून येतात. टँकर माफिया, बेकायदेशीर नळजोड आणि पाणी चोरी हे तर मोठे विषय आहेत.
- शिवराम वैद्य, निगडी