पिंपरी , ता. २५ : वेदश्री तपोवन कार्य समितीसह सहयोगी संस्थांतर्फे श्रीमद् भगवद्गीता जयंतीनिमित्त तीन दिवसीय गीता जयंती महोत्सवाचे मोशीतील वेदश्री तपोवन येथे आयोजन करण्यात आले आहे. शनिवारपासून (ता.२९) सोमवारपर्यंत (ता.१) विविध कार्यक्रम होणार आहेत. ही माहिती महर्षी वेदव्यास प्रतिष्ठानचे व्यवस्थापक अभय भुतडा यांनी दिली.
शनिवारी सकाळी ९ वाजता चैतन्य महाराज यांच्या हस्ते ध्वजारोहण होईल. अयोध्या येथील श्रीराम जन्मभूमी न्यासचे कोषाध्याक्ष गोविंददेव गिरी महाराज उपस्थित राहतील. सायंकाळी डॉ. यशोधन महाराज साखरे यांचे कीर्तन होईल. रविवारी (ता. ३०) सकाळी ११ वाजता वेदश्री तपोवन द्वितीय चरण निर्माण पूजन आणि महर्षी वेदव्यास पुरस्कार प्रदान सोहळा होईल. सायंकाळी डॉ. मकरंदबुवा रामदासी यांची कीर्तनसेवा होईल. सोमवारी (ता. १) सकाळी ८ वाजता श्रीमद्भगवद्गीता पारायण आणि संत श्री ज्ञानेश्वर पुरस्कार प्रदान सोहळा होईल.