पिंपरी, ता. २८ ः भारतीय सिंधू सभा पिंपरी शाखेच्या वतीने पिंपरी येथील आवारात साधू टी. एल. वासवानी यांच्या १४६व्या जयंतीनिमित्त आदरांजली वाहण्यात आली.
येथील सामाजिक कार्यकर्ते मनोहर जेठवानी म्हणाले, ‘‘सामाजिक समरसता, बंधुता आणि इतर समाज बांधवांशी सामाजिक सलोखा असला पाहिजे असा मंत्र साधू टी. एल. वासवानी यांनी समाजाला दिला आहे.’’
‘‘२५ नोव्हेंबर हा दिवस सिंधी समाजातील बांधव शाकाहारी दिवस म्हणून साजरा करतात,’’ असे पुष्पा पमनानी यांनी सांगितले. यावेळी सामाजिक कार्यकर्ते मनोहर जेठवानी, श्रीचंद नागरानी, सुरेश हेमनानी, परमानंद जमतानी, हंशींराम हरजानी, सुशिल बजाज आदी उपस्थित होते. पदाधिकाऱ्यांच्या हस्ते सिंधी समाजातील प्रतिष्ठित सामाजिक कार्यकर्त्यांचे स्वागत करण्यात आले. या वेळी सिंधी समाज बांधवांसाठी सिंधी भाषेतील कर्ज या चित्रपटाचे आयोजन करण्यात आले होते