पिंपरी, ता. २८ : किरकोळ कारणावरून तरुणावर कोयत्याने हल्ला करण्यात आला. ही घटना कासारवाडी येथे घडली.
संकेत सचिन भोसले (रा. बाराथे वस्ती, बोपोडी) असे या हल्‍ल्‍यात जखमी झालेल्‍याचे नाव आहे. त्‍यांनी दापोडी पोलिस ठाण्‍यात फिर्याद दिली आहे. या प्रकरणात विक्रम देवकुळे, गणेश बावधाने उर्फ काचडी गण्या, नीलेश शिवगण (सर्व रा. पडाळवस्ती, भाऊ पाटील रोड, औंध रोड, बोपोडी) यांच्यावर गुन्‍हा दाखल करण्यात आला आहे. संकेत यांना आरोपींनी नाशिकफाटा मेट्रो स्थानकाजवळ थांबवले. ‘‘आमच्याकडे का बघतोस,’’ असे म्हणत शिवीगाळ केली. विक्रम आणि गणेश यांनी कोयत्याने संकेत यांच्यावर वार केला. मात्र, फिर्यादीने तो अडविला. तितक्यात नीलेश याने सिमेंट गट्टूने मारहाण केली. मदतीसाठी आलेल्या नागरिकांनाही आरोपींनी धमकी देत हुसकावून लावले.