ओशो रजनीश - जो स्वतः हसतो, तो ईश्वराची प्रार्थना करत असतो आणि जो इतरांना हसवतो, त्यांच्यासाठी ईश्वर स्वतः प्रार्थना करतो.
अ) सु. ल. खुटवड
ब) परिचय
क) विसंगती शोधता आली पाहिजे
१) साजूक म्हशीचे तूप
२) भव्य महिलांचे कबड्डी सामने
३) वयाच्या मानानं तुमची तब्येत ठणठणीत आहे पण नजर मात्र वाईट आहे. त्यावर सिस्टरला सांगावं लागलं.
अगं बाई तुला जे म्हणायचं आहे, नजर नव्हे दृष्टी म्हणतात आणि वाईट नव्हे अधू किंवा कमकुवत म्हणतात.
४) ट्रकवर लिहिलेले असते. चिंटू, पिंटू, स्वराज, स्वराली आणि खाली लिहिलेले असते. बॅंक आॅफ महाराष्ट्राच्या सौजन्याने
५) वाहने सावकाश चालवा. कोणीतरी आपली वाट पाहत आहे. असा बोर्ड लिहलेला असतो. आता अशानं कोणी सावकाश चालवेल का? उलट त्याला उत्सुकता लागणार. कोणीतरी आपली वाट पाहत असेल म्हणजे त्याला शंका येणार, की कोण असेल शेजारीण तर नसेल की दुसरं कोण असेल, या उत्सुकतेपोटी तो अजून जोरात गाडी चालवणार. त्यापेक्षा
वाहने सावकाश चालवा, घरी बायको वाट पाहत आहे. असं लिहा. गाडीचा निम्मा वेग कमी होतो की नाही ते बघा. आणि त्यातही तुमची बायको वाट पाहतेय, असं म्हटलं तर वेग आणखी कमी होईल.

कौटुंबिक

१) सुखी व्हायचं असेल तर आतला आवाज ऐका. आतला आवाज म्हणजे स्वयंपाकघरातला.
२) सकाळी लवकर उठून घर स्वच्छ झाडावे. त्याने घरात समृद्धी येते. त्यानंतर अंघोळ करून देवपूजा करावी. त्यामुळे घरात पाॅझिटिव्ह एनर्जी येते. नंतर किचनमध्ये जावे व त्यानंतर नाश्त्याची तयारी करावी.
त्यामुळे घरातील लोकांचे स्वास्थ उत्तम राहते. हे सर्व झाल्यावर मस्तपैकी चहा बनवून बेडरूममध्ये जावे आणि बायकोला उठवून बेड टी द्यावा. त्यामुळे आयुष्य एकदम सुखी होते.
३) जी बाई नवऱ्याला घाबरते, तिला स्वर्ग नक्की भेटतो आणि जी घाबरत नाही, तिला इथंच स्वर्ग आहे.
४) ग्लास फुटल्यानंतरही घरात शांतता असेल तर तो ग्लास बायकोने फोडलेला असतो आणि चूक त्या ग्लासाचीच असते.
५) पुरूषांना दुःख याचं नाही, की बायको काम करुन घेते. वाईट याचं वाटतं, की काम झाल्यावर बायको म्हणते, ‘हा माणूस काही कामाचा नाही.
६) कारमध्ये बसल्यावर नवरा सीटबीट लावू लागल्यावर तुम्हाला ना माझ्या वटपौर्णिमेच्या व्रतावर थोडादेखील विश्वास नाही.

-----------------------

१) घरबसल्या पैसे दुप्पट करण्याची आयडिया सांगतो. पैसे आरशासमोर ठेवायचे.
२) चहा घेत असताना तुमच्या खासगी गोष्टी हळू आवाजात बोला. आमच्या कपाला कान आहेत.
३) माणसानं कुकरसारखं जगावं. वरून प्रेशर आणि खालून आग लागली असली तरी शिट्ट्या मारत जगावं.
४) हसणं हे शरीरासाठी खूप चांगलं आहे. पण नको तिथं हसल्यानं मारही खावा लागतो.
५) स्वतःला शहाणं समजणाऱ्यांचा मला खूप राग येतो. त्यामुळे मी आरशासमोर मी कधी उभा राहत नाही.
६) हसण्याने आयुष्य निरोगी होते आणि दुसऱ्यावर हसण्याने निरोपयोगी होते.
७) स्वतःचा वाईट विचार करू नका. कारण परमेश्वराने या कामासाठी हितशत्रूंची नेमणूक केली आहे. एक रूपयाही पगार न घेता आपल्या पाठीमागे नावं ठेवण्याचं काम ते उत्तम करीत असतात.