आपले सरकार नागरिकांच्या सुरक्षेसाठी इतके कायदे करते; परंतु काही लोक त्याकडे दुर्लक्ष करतात. उदा. वाहन चालविताना मोबाइलवर बोलायला बंदी आहे. पण, अनेक जण दुचाकी एका हाताने चालवित मोबाइलवर बोलत जात असतात. काही वेळा दुचाकीवर कुटुंब असते. तरीही, हे चालक वाहतुकीचे नियम तोडून वाहन चालवितात. काही जण तर, सिग्नलकडे दुर्लक्ष करतात. डाव्या, उजव्या बाजूंचा विचार न करता बिनधास्त जातात. काही वाहनांना तर नंबर प्लेटही नसतात. या गोष्टी पोलिसांनाही लक्षात येतात. अशा कृतींचे अनुकरण लहान मुलेदेखील करतात. त्यामुळे नागरिकांनी वाहतुकीच्या नियमांचे पालन व्यवस्थित केल्यास संभाव्य दुर्घटना टळतील.
- प्रकाश वा. दातार, तळेगाव दाभाडे