पिंपरी : मुंढवा येथील जमीन गैरव्यवहार प्रकरणात पुणे शहर पोलिसांच्या आर्थिक गुन्हे शाखेने अटक केलेल्या शीतल तेजवानी हिच्या पिंपरीतील माहेरच्या घरी पुणे पोलिसांनी शुक्रवारी (ता. ५) दुपारी तीनच्या सुमारास छापा टाकला. या छाप्यात पुणे पोलिसांनी तिच्या भावाच्या घराची झाडाझडती घेत काही कागदपत्रे जप्त केली. पिंपरी कॅम्प परिसरातील तपोवन मंदिराजवळील दिल्ली दरबार हॉटेलसमोरील एका सोसायटीच्या तिसऱ्या मजल्यावर तिचे भाऊ गिरीश तेजवानी राहतात. सायंकाळी उशिरापर्यंत झाडाझडती सुरू होती. या कारवाईमध्ये पिंपरी चिंचवड पोलिसांनीही मदत घेण्यात आली.
---------------------