अखिल भारतीय विद्यार्थी परिषद आकुर्डी नगर व कॅम्प एज्युकेशन सोसायटीच्या विलू पूनावाला हायस्कूल यांच्या संयुक्त विद्यमाने विशेष व्याख्यान व प्रश्नमंजूषा घेण्‍यात आली. यावेळी प्रमुख व्याख्याते विलास लांडगे यांनी मार्गदर्शन केले. त्यांनी डॉ. आंबेडकरांचे बहुआयामी व्यक्तिमत्त्व, समाजातील विषमतेविरुद्धचा लढा, भारतीय संविधानाच्या निर्मितीतील त्यांचे योगदान यावर माहिती दिली. डॉ. आंबेडकर यांचे विचार युवा पिढीने आत्मसात करावेत, असे आवाहन त्यांनी केले. यावेळी विलू पूनावाला हायस्कूलच्या मुख्याध्यापिका आशा धेंडे उपस्थित होत्या. अभाविप महानगर सहमंत्री कार्तिक पवार व सोहेल शेख, आकुर्डी नगर सहमंत्री शैलेश मराठे व अथर्व भादेकर, परिषदेचे हितचिंतक डॉ. विवेक हरणे आदी कार्यकर्ते उपस्थित होते.
-----