पिंपरी, ता. ८ : विविध सांस्कृतिक कार्यक्रम, त्यातून झालेले निखळ मनोरंजन, आरोग्य विषयक उपक्रम यांचा समावेश असणाऱ्या पाच दिवसीय नमस्कार महोत्सवाचा रविवारी (ता.७) झाला.
निगडी प्राधिकरणातील नियोजित महापौर निवास मैदानावर आयोजित केलेल्या या महोत्सवात विविध प्रकारचा विनामूल्य आरोग्य सल्ला आणि सुविधांचा लाभ नागरिकांनी मोठ्या संख्येने घेतला. महोत्सवात रविवारी सादर करण्यात आलेल्या ‘हीच खरी फॅमिलीची गंमत आहे’ या विनोदी नाटकाला रसिकांनी मोठा प्रतिसाद दिला. सागर कारंडे, शलाका पवार, प्रतीक पाध्ये, हर्षदा कर्वे, विनिषा कुलकर्णी, राकेश शालिनी आणि संतोष पवार या कलाकारांच्या अप्रतिम अभिनयाला प्रेक्षकांनी भरभरून दाद दिली.
सामाजिक कार्यकर्ते सलीम शिकलगार, सरिता साने, विजया जोशी आणि नमस्कार फाउंडेशनचे अध्यक्ष सुहास जोशी यांच्या प्रमुख उपस्थितीत महोत्सवात योगदान देणाऱ्या व्यक्तींना स्मृतिचिन्ह प्रदान करून सन्मानित करण्यात आले. ज्योती कानेटकर यांनी सूत्रसंचालन केले आणि आभार मानले.