‘इंडिगो’ ने ग्राहकांना नुकसान भरपाई द्यावी

तीन डिसेंबर पासून ‘इंडिगो कंपनी’ने शेकडो उड्डाणे रद्द केली आहेत, ज्यामुळे विमान प्रवाशांची गैरसोय झाली. देशांतर्गत हवाई वाहतुकीत ६५% वाटा असलेल्या ‘इंडिगो’ ची एक प्रकारे मक्तेदारी आहे. विमान प्रवासात बेसुमार भाडे आकारून, महागडे खाद्य पदार्थ, आसन आरक्षण शुल्क या माध्यमातून ही कंपनी प्रवाशांची एक प्रकारे लूट करत आहे. प्रवासी आपल्या प्रवासाचे नियोजन करून हॉटेल बुकिंग व स्थळ दर्शनाचे बुकिंग करतात. पण ‘इंडिगो’ सारख्या कंपन्या प्रवासाच्या दिवशी तांत्रिक कारण पुढे करून विमान उड्डाण रद्द करतात. नंतर तिकिटाचे पैसे परत करतो, असे सांगतात. पण इच्छित स्थळाचे, हॉटेल व स्थळ दर्शनाचे पैसे प्रवाशांना परत मिळत नाही.
- सुहास केसकर, रुपीनगर