पिंपरी, ता. ८ ः डॉ. बाबासाहेब आंबेडकर यांना महापरिनिर्वाण दिनानिमित्त डॉ. ज्ञानेश्वर कांबळे यांच्या हस्ते प्रतिमेला पुष्पहार अर्पण करून अभिवादन करण्यात आले. निगडी सेक्टर नंबर २६ गणेश तलाव संत गुरू रविदास ध्यान केंद्रामध्ये संत गुरू रविदास विचार समितीच्या वतीने व राष्ट्रीय चर्मकार महासंघ पिंपरी चिंचवड शहर व्यसनमुक्ती व संविधान जय जनजागृती कार्यक्रमाच्या वतीने अभिवादन करण्यात आले.
यावेळी समितीचे अध्यक्ष संतोष वाघमारे, विष्णू सातपुते, सुदाम कांबळे, बंडोजी जाधव उपस्थित होते. या ठिकाणी गुरू रविदास व डॉ. बाबासाहेब आंबेडकर अभिवादन करून सुरुवात झाली. संत रविदास महाराज यांच्या जीवनावर पोवाड्याच्या माध्यमातून समाजाचे प्रबोधन केले. व्यंकट मुदळे, उत्तम मोरे ,बाबासाहेब हानवते, मारुती मुदुळे, राजेंद्र हगवणे, लक्ष्मण मुदळे यांनी आभार मानले.