बाबा आढावांच्या व्यंगचित्रातून संवेदनशीलतेला सलाम
बाबा आढाव यांच्या निधन विषयीचे व्यंगचित्र ‘सकाळ’ मध्ये पाहिले. अनंतकाळ यमाचे कष्टप्रद ओझे वाहणारा रेडा बाबांना मृत्यू लोकात घेऊन जाण्यासाठी आला आहे. अखेरचा श्वास घेतानाही, मृत्यूचे कोणतेही भय चेहऱ्यावर नसताना बाबा रेड्याला विचारतात ‘‘तुला अन्यायकारक वागणूक मिळत नाही ना रे बाबा’’ या एकाच वाक्यात हजारो शब्दांच्या भावनेचे व त्यांच्या थोर कार्याचे सार दडलेले आहे, व्यंगचित्रकार यांचे कौतुक करावे हे थोडेच आहे.
- माणिकराव बारगळ, महेशनगर, पिंपरी.