पिंपरी, ता. १५ : चॉकलेटच्या आमिषाने अपहरण करून पाच वर्षीय बालिकेवर अत्याचार करून गळा दाबून तिचा खून करणाऱ्या नराधमाला न्यायालयाने २६ डिसेंबरपर्यंत पोलिस कोठडी सुनावली आहे. ही घटना मावळ तालुक्यातील एका गावात घडली.
समीरकुमार सीताराम मंडल (वय ३२) असे आरोपीचे नाव असून तो मूळचा झारखंड येथील आहे. बालिकेची आई कामावरून शनिवारी रात्री उशिरा घरी आली. त्यावेळी मुलगी घरी नसल्याचे लक्षात येताच कुटुंबीयांनी शोधाशोध सुरू केली. मुलगी बेपत्ता झाल्याची तक्रार तिच्या आईने शिरगाव पोलिस ठाण्यात नोंदवली होती.
गावात कडकडीत बंद
या घटनेच्या निषेधार्थ सोमवारी (ता. १५) संबंधित गावात कडकडीत बंद पाळण्यात आला. तसेच शाळाही बंद ठेवल्या होत्या. आरोपीला कठोर शिक्षा होण्याच्या मागणीसाठी ग्रामस्थांनी मंगळवारी (ता. १६) मोर्चाचे आयोजन केले आहे. तर, ‘‘संबंधित आरोपीवरील खटला जलदगती न्यायालयात चालवून शिक्षा द्यावी,’’ अशी मागणी अखंड मराठा समाज यांच्या वतीने करण्यात आली आहे. याबाबत तहसीलदारांना निवेदन देण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.