पिंपरी, ता. २४ ः  श्री जैन विद्या प्रसारक मंडळ संचलित श्री फत्तेचंद जैन विद्यालयात गणित तज्ज्ञ श्रीनिवास रामानुजन यांच्या जयंतीनिमित्त गणित दिन उत्साहात साजरा करण्यात आला. दीप प्रज्वलन व सरस्वती पूजन करून कार्यक्रमाची सुरुवात करण्यात आली. प्रा. सुनीता नवले यांनी अध्यक्षीय भाषणातून नऊ आकड्यांची गंमत विद्यार्थ्यांना सांगितली. तसेच जीवनाची दिशा ओळखणारी गणित भाषा किती महत्त्वाची आहे हे उलगडून सांगितले.
पर्यवेक्षिका मनीषा कलशेट्टी यांनी रामानुजन जादुई चौरसची माहिती सांगितली. यावेळेस इयत्ता सातवीतील प्रणव चिपटे, सहावीतील विघ्नेश दीक्षित व नवीतील अरहन गंगावणे या विद्यार्थ्यांनी गणित दिनाची माहिती सांगितली. या कार्यक्रमाचे संयोजन कल्पना गोरडे, स्मिता सोनवणे व सर्व गणित शिक्षकांनी केले. प्रशालेच्या उपमुख्याध्यापिका मनीषा जैन यांनी प्रास्ताविक केले. सूत्रसंचालन वंदना पाटील, आभार प्रदर्शन पर्यवेक्षक राजेंद्र पितळीया यांनी केले. श्री जैन विद्या प्रसारक मंडळाचे ऑनररी जनरल सेक्रेटरी ॲड. राजेंद्रकुमार मुथा व सहाय्यक सेक्रेटरी प्रा. अनिल कुमार कांकरिया आणि पर्यवेक्षक संजीव वाखारे यांनी गणित दिनानिमित्त सर्व शिक्षकांना शुभेच्छा दिल्या.